За танго се потребни двајца, но, дали секогаш кога настанува проблем или неверство во бракот и двајцата партнери имаат кривица? Како најчесто настанува проблемот?
Постојат низа можни причини за брачно неверство. Во многу основи, лежат неколку можни причини.
Една од нив е влијанието на неисполнети потреби. Личноста може да биде неспособна да ги исполни потребите на својот партнер, а премногу често и тие потреби не се изразени. Брачните партнери не разговараат за меѓусебните потреби и на тој начин настанува недостатокот на директно решавање на проблемите. Бегството од проблеми (избегнување конфликт) е уште еден клучен елемент на недостаток на комуникацијата и посветеност во бракот.
Повеќето брачни парови никогаш не замислуваат дека нивната врска би завршила со неверство. Но, вистината е дека дури и најсреќните бракови можат да бидат дел од тоа. Постојат многу причини зошто една личност изневерува. Би ги издвоила најчестите причини:
- Брачниот другар најчесто се насочува кон неверство за да ја пополни физичка или емоционална празнина што ја оставил партнерот неисполнета.
- Несреќа / незадоволство: незадоволството од бракот или емоционално или сексуално е честа појава..
- Чувство дека не сте ценети: Да се чувствувате потценето или занемарено може да доведе до неверство. Кога двајцата партнери работат, жените често го носат најголемиот товар на домашните работи и грижата за децата. Во овој случај, аферата го потврдува чувството на вредност на лицето. Сепак, од друга страна, чувството на занемареност може да биде поврзано и со нереални очекувања од партнерот, отколку со вистинско занемарување.
- Досада: Мажите и жените кои бараат возбуда од новооткриена романтична афера.
- -Одмазда: Ако едниот партнер имал врска или го оштетил партнерот на некој начин, навредениот партнер може да почувствува потреба за одмазда што би резултирало со афера.
Што после неверство?
Кога едниот партнер ќе изневери, долг е патот за да се прифати ситуацијата.
Постојат 3 фази на емоционално прифаќање низ кои поминуваат партнерите по откривањето дека биле изневерени:
Фаза 1
Првата фаза е кога едниот партнер дознава дека бил изневерен. Во оваа фаза односите меѓу партнерите се напнати, има чести експлозии на непријатни емоции, и осцилации во врската. Оваа фаза трае неколку месеци, а се јавуваат емоции како: омраза, одвратност, неможност да останете во иста просторија со партнерот кој изневерил, гнев. Понекогаш се појавуваат и измешани емоции односно и пријатни емоции, пријатните моменти со партнерот кои ве потсетуваат на „како беше порано“. Во оваа фаза, често има физичко раздвојување на партнерот, кога некој ќе се пресели (обично оној што изневерил) во друга просторија или друг стан / куќа.
Фаза 2
Во следната фаза емоциите се посталожени, нема повеќе осцилации на емоции, нема повеќе силна омраза и повреда. Во оваа фаза, има потреба да се разбере неверството. Дали е тој / таа подобар од мене, дали е тој / таа поубав, како изгледаше таа врска, што направија и сл. Тие сакаат да ги знаат сите детали за неверството. Ова е фаза исполнета со разговори, или со партнер или со пријатели и семејство.
Фаза 3
Во третата фаза изневерениот партнер се обидува да изгради доверба и делумно разбирање на ситуацијата. Да се прости е тежок, процес. Понекогаш партнерот одлучува да даде втора шанса, но не целосно може да прости. Тогаш нема основа за обнова на односите, бидејќи за да се продолжи понатаму, желбата да се прости мора да биде целосна.
Побарај совет од лиценциран психолог
Одговорете на прашалникот подолу и споделете го предизвикот со кој се соочуваате. Психолозите на Разговор.мк ќе можат да го видат предизвикот со кој се соочувате и да споделат мислење или совет со вас. Секако, психолозите може да понудат и значителен попуст за прва консултативна сесија со нив. Исто така, Разговор.мк нуди можност и да останете анонини при разговорот со психологот. Силно ви препорачуваме да закажете една консултативна сесија со психолог кој ќе ви понуди совет.
Откако ќе го споделите предизвикот со кој се соочувате преку формата подолу, ќе добиете меил како потврда дека споделеното е примено. Преку истиот меил ќе можете да ја превземете и нашата мобилна апликација со цел во реално време да добивате известувања за добиен одговор од некој од психолозите.
За крај
Во никој случај не е лесно. Ако видите дека немате сила да простите до крај, ако не можете, а да не ја доведувате во прашање секоја постапка на вашиот партнер можеби треба да размислите дали воопшто да ја обновувате таа врска.
Во текот на животот може да се сретнеме со различни ситуации. Позитивни и негативни промени кои бараат прилагодување. Негативните промени се секогаш најтешки. Доколку се соочувате со неверство ќе ви треба извесен период да ја прифатите тажната реалност и баш тој период нема да бидете способни да размислувате рационално бидејќи тагата и гневот ќе ве обземат. Дајте си време на себе си колку што ви е потребно за да се прилагодите на ситуацијата. Доколку сметате дека ви е потребно да побарате психолошка помош, без мислење сторете го тоа. Да се побара стручна помош кога се соочуваме со проблеми е најдобрата одлука во тие моменти.