Јас сум Ѓурѓица Нечева лиценциран психолог, советник и консултант. Сертифициран Ефт Практичар, докторант по психологија во Италија, енергетски исцелител, практикант на медитација. Моето академско образование го започнав како посветен студент по психологија. По завршувањето на додипломските студии, одлучив да продолжам со мојата едукација па така успешно завршив и магистерски студии по психологија каде се стекнав со титула магистер по психолошки науки. Моето работно искуство започна како стажант во Клиничка Болница “ Жан Митрев” – Скопје каде под супервизија на врвни доктори по психологија бев практично воведувана во психологијата. Потоа продолжив да се надоградувам и започнав со работа во основното училиште „Димче Ангелов Габерот” како училишен психолог. Потоа во 2016 година добив понуда за работа во Хангџоу прекрасен град во Кина. Покрај работа во наредните две години колку што останав во Кина, мојата едукација продолжи во насока на енергетската и модерната психологија, алтернативната медицина и медитацијата. По две годишен престој во Кина, образованието – докторските студии и работата како психолог ги продолжив во Италија. Долгогодишните истражувања за енергија, чакри, медитација, алтернативна медицина, модерна психологија ме доведоа до една од најефикаснити техники на денешницата, техниката на тапфирмација позната како техника на емоционална слобода – ефт. Сите овие години јас и моите клиенти успеваме секојдневно да се бориме заедно и да создаваме царство на емоционална слобода.