Допишување – Нема можност
Аудио Повик – 1100 денари
Видео повик – 1500 денари
Јас сум психолог – советник и работам системска семејна и когнитивно бихејвиорална терапија. Во својата едукација имам завршено и базичен Гешталт. Како таква, работам со клиенти кои се соочуваат со психосоматски потешкотии, анксиозност, панични напади, депресија, семејни и развојни кризи и конфликти. Работам и на личниот развој на клиентите и унапредување на семејните релации. Покрај работата како советник сум и психолог истражувач, работам и на различни проекти од областа на менталното здравје и психологијата и постојано се трудам да растам и се надоградувам лично и професионално. Веќе неколку години сум волонтерски вклучена како Претседател на Координативното тело за психолошка поддршка на лица болни од канцер, а во своето искуство имам работено и со СЗО на проект за справување со семејно насилство и психосоцијална работа со сторители на семејно насилство. Имам искуство и во одржување едукативни работилници за различни аспекти од менталното здравје во различни компании и организации.
Во работата со клиентите, преку психотераписките техники и вештини, ги користам внатрешните сили и системи за поддршка кои веќе ги поседуваат, заедно да креираме промени и градиме нови идентитети. Низ процесот тие го враќаат контактот со себе и преку тој контакт се поврзуваат на нов начин со околината. Верувам во потенцијалот на секој човек да се редефинира. Со различни експлоративни техники и прашања, дефинираме проблем и цел, преку различни хипотези за настанокот на проблемот, полесно се насочуваме кон посакуваната промена. Во работата се предизвикуваат постоечките верувања за себе и другите. Шемите и механизмите научени во детството се репрограмираат и се експериментира со нови верзии од себе. Се воспоставува контакт со телото, умот, емоциите, што пак ја враќа моќта на клиентот свесно да го избира и менува своето однесување, акции и секојдневие.
Пополни ја формата подолу и сподели го накратко проблемот со кој се соочуваш. Ќе добиеш краток бесплатен одговор и можност за попуст или бесплатна сесија од психологот.
Еве што велат клиентите на Јасмина Михаиловска за работата и искуството со нив.

Разговор.мк е платформа за ментално здравје чија мисија е да го направи себе-откривањето јасно, лесно и пристапно за сите. Со над 80 лиценцирани психолози достапни за сесии преку нашата мобилна апликација чекориме кон остварување на нашата визија за светот.
Разговор.мк – секогаш тука за тебе!