Јас сум лиценциран психолог, ентузијаст кој верува во развој и позитивни промени на секоја личност доколку процесот на работа е надополнет со доверба, посветеност и љубов. Преку процес на психолошко советување и поддршка фокусот на мојата работа е кон подобрување на личниот развој и меѓучовечкото функционирање на личноста. Широкиот спектар на социо-емоционални состојби ( стрес, анксиозност, депресија, траума, стравови итн.) кризни ситуации поврзани со личниот раст и развој и релациски односи во околината за мене претставуваат плодно поле за креативна работа со што се овозможува превенција, развој и прилагодување на личноста и нејзините потенцијали. Подобрување и унапредување на целокупниот детски развој и предизвиците кои се дел од развојната психологија се заедничка цел за мене и семејствата со деца и млади ( со типичен и атипичeн развој) на кој им е потребна психолошка помош и поддршка.