Допишување – Нема можност
Аудио Повик – 850 денари
Видео повик – 1000 денари
Јас сум лиценциран психолог при Комора на психолози на РСМ. Работното искуство го започнав како училишен психолог во средно училиште. Моментално работам како воен психолог во касарна. Од 2018 година сум во Гешталт едукација во Советувалиште за хумана соработка – Скопје. Волонтирам во Црвен крст на Р.С.М - Општинска организација Центар, каде што повремено одржувам психолошки работилници. На социјалната мрежа Facebook ја водам страната ,,Низ призма на психологијата” на којашто клиентите може да ми се обраќаат доколку имаат некакви прашања. Во досегашното искуство имам посетено поголем број на семинари и едукации од областа на психологијата. Имам завршено обука за психодијагностика во Институт Алтернатива, Скопје која ми помогна да се стекнам со знаења од областа на психолошките тестирања. Мојата цел е да им пружам максимална поддршка на моите клиенти за да се чувствуваат прифатени какви што се – спонтани, автентични и посебни. Заедно да чекориме низ целиот процес.
Процесот започнува со фокусирање на сегашниот момент- односно како клиентот се чувствува овде и сега, што му е потребно, какви му се доживувањата. Од тој момент се надоврзуваме со се што ќе ни се појави на нашиот пат, како на пр.трауматски минати искуства или стравови поврзани со иднината, односно се што предизвикува во моментот клиентот да се чувствува вознемирено, тажно, гневно и сл. Се обидувам преку прашања да го доведам клиентот до свесност за потеклото на потешкотиите со кои се соочува и да дојдае до нови креативни решенија за истите; подобро да се разбере себеси и своите потреби без да влијаам на неговите избори и одлуки. Не користам директни совети со дефинирана содржина пр.за тоа како да постапат во конкретна ситуација, но секако заедно ги разгледуваме можните решенија.
Пополни ја формата подолу и сподели го накратко проблемот со кој се соочуваш. Ќе добиеш краток бесплатен одговор и можност за попуст или бесплатна сесија од психологот.
Еве што велат клиентите на Ивона Анѓелкоски за работата и искуството со нив.

Разговор.мк е платформа за ментално здравје чија мисија е да го направи себе-откривањето јасно, лесно и пристапно за сите. Со над 80 лиценцирани психолози достапни за сесии преку нашата мобилна апликација чекориме кон остварување на нашата визија за светот.
Разговор.мк – секогаш тука за тебе!