Допишување – 800 денари
Аудио Повик – 1000 денари
Видео повик – 1200 денари
Лиценциран психолог, советник од 2012 година: советник по Гешталт психотерапија (6-та година во едукација за Гешталт терапевт), советник по Интегративна психотерапија и советник по Интегративна медицина. Магистер по психолошки науки од областа на Психологија на трудот и Организациска психологија. Дополнително сум сертифицирана за психодијагностика, како и за работа со LGBTIQ+ популација. Имам работно искуство 20 години во различни установи и организации (Централен затвор, Психијатриска Болница, Центар за зависности, Центар за стерилитет и сексуални проблеми, Дом за деца без родители, Советувалиште за семејно и родово базирано насилство, Младински центар, Поликлиника за општа и трудова медицина, Проект за кариерно советување на ранливи категории на граѓани, ЧР Тренер во индустриски сектор...) Специјализирана сум и за работа со деца и адолесценти (10+ години искуство). Постојано посетувам обуки за работа со специфични проблематики од областа на ментално здравје, организациски развој и психотерапија. Во 2019 година го основав Центар ЕСТЕЗИА (@centar.estezia) каде секојдневно работам со деца, адолесценти, возрасни, парови, индивидуи и организации. 3 години бев претседател на координативното тело за психолози за човечки ресурси, менаџмент, проценка и развој на вработени при Комората на психолози. Волонтерски сум член и на координативното тело за итен одговор при катастрофи.
Во работата користам интегративен пристап на работа, односно опфаќање на сите три аспекти од личноста на клиентот: тело, душа и дух, притоа земјаќи го во предвид и контекстот на индивидуалноста на клиентот (вредности, значења, ставови, потреби и цели), со цел подобрување на психофизичкото, социјалното и емоционалното функционирање. Техниките и методите за работа кои ги користам се од областите за кои сум обучена: Интегративна психотерапија, Гешталт психотерапија, Организациска психологија, Интегративна медицина и Психодијагностика. Дополнително ги користам и знаењата стекнати низ искуството и праксата, како и од семинарите, обуките и едукациите кои дополнително сум ги завршила. Особен фокус на интерес ми е поврзаноста помеѓу трите аспекти на личноста (тело, душа и дух) и нивното меѓусебно влијание и добросостојба, како и терапијата насочена кон емоции, опфаќајќи различни типови на емотивни врски и состојби.
Пополни ја формата подолу и сподели го накратко проблемот со кој се соочуваш. Ќе добиеш краток бесплатен одговор и можност за попуст или бесплатна сесија од психологот.
Еве што велат клиентите на М-р Билјана Стојановска за работата и искуството со нив.

Разговор.мк е платформа за ментално здравје чија мисија е да го направи себе-откривањето јасно, лесно и пристапно за сите. Со над 80 лиценцирани психолози достапни за сесии преку нашата мобилна апликација чекориме кон остварување на нашата визија за светот.
Разговор.мк – секогаш тука за тебе!