Дали знаете дека сите имаме една заедничка работа во нашите животи?
Да, сите имаме една заедничка работа во нашите животи, а тоа е, ние постојано бараме цел и смисла во нашите животи. Додека некои од нас се обидуваат да го најдат тоа во нашиот личен живот, други го бараат во нивниот професионален живот. Но, дали знаете каде лежи нашата вистинска причина за постоење? Јапонците веруваат дека причината лежи во “Икигаи”.
Што всушност е “Икигаи”?
“Икигаи”е она што ве буди секое утро и ве турка во текот на денот. Тоа е јапонски концепт кој лабаво се преведува во „причина за постоење“.
„Вашиот Икигаи е на пресекот на она во што сте добри и што сакате да го правите“, вели Хектор Гарсија, коавтор на „Икигаи: Јапонската тајна на долг и среќен живот“.
Постои модел или можеме да го наречеме дијаграмаски приказ на “Икигаи”. Истиот е прикажан подолу:
Ако го погледнете моделот, ќе забележите дека “Икигаи” е пресек на четири работи:
- Нешто што го сакаш,
- Она во што си добар/ра,
- Нешто што му е потребно на светот
- Нешто за кое ќе бидете добро платени
Преку овие преклопувачки концепти, можете да ја пронајдете целта на вашиот живот.
Идеологијата што стои зад истото е дека целта во вашиот живот е точка на унијата на четири основни компоненти на живеењето:
- Страст
- Мисија
- Професија
- Вокација
Колку време е потребно за да ја пронајдам мојата цел преку “Икигаи”?
За пронаоѓање на целта во нашиот живот е потребно долго време. Но, можеме да почнеме сега и за тоа е потребно многу малку.
Се надевам дека сте подготвени да одвоите 5 минути и да да го направите првиот чекор кон пронаѓање на вашата цел.
Како да го најдете вашиот “Икигаи”?
Преземете го моделот од погоре или едноставно направете го вашиот модел од нула и следете ги овие чекори:
ЧЕКОР 1: Поставете си прашања како: „Што сакам да работам?“ „Што ме интересира најмногу?“ „Кои се моите хобиа?“
ЧЕКОР 2: Запрашајте се „Во што сум добар/ра?“ „Кои се моите клучни вештини и јаки страни?“ „За што бараат помош луѓето од мене?“
ЧЕКОР 3: Внимавајте на вашето внатрешно јас со овие прашања: „Што му треба на светот?“ „Што / кој ме инспирира или ме движи најмногу?“ „Што ме прави фрустриран/а, лут/а и ми го нарушува мирот?“
ЧЕКОР 4: Поставете си ги следниве прашања „Во каква професија можете да се видите?“ „Каков производ или услуга би продале?“
До крајот на овие чекори ќе можете да имате бледа слика за тоа што е цел во вашиот живот. Посветете неколку денови и размислувајте на ова. Сигурно ќе ви стане јасно каква цел сакате да си поставите во животот.
Зошто “Икигаи” е важен?
Па, се разбира, “Икигаи” ви помага да ја пронајдете целта на вашиот живот. Но, тоа не е дека нема многу други поволности кои ги нуди.
- Икигаи ви дава чувство на уживање и исполнетост.
- Ви овозможува да искусите ментална и емоционална благосостојба.
- Некои дури тврдат дека “Икигаи” е тајна за подолг живот.
- Ве пумпа со мотивација и му дава смисла на животот
Дали мојот “Икигаи” е константен?
“Икигаи” е концепт што се развива и константно еволуира. Значи, вашата цел во животот веројатно ќе се промени со текот на времето, што всушност означува добра работа. Дава порака дека се менувате како личност. Што навистина е добра вест.