Во нашиот сложен и често предизвикувачки свет, вообичаено е да се доживеат моменти на грижа и немир. Но, кај некои личности овие чувства се многу интензивни, што доведува до значителна вознемиреност во секојдневниот живот. Од суштинско значење е да се направи разлика помеѓу повремената, нормална анксиозност и анксиозно растројство, бидејќи препознавањето на разликата може да го отвори патот за разбирање, емпатија и соодветна поддршка.
Анксиозноста е сосема нормална и природна човечка реакција на стресот. Тaа е како вграден алармен систем во нашето тело, кој не подготвува да се справиме со потенцијалните закани или предизвици. Замислете го тоа како оној мал глас во вашата глава кој вели: „Еј, нешто важно се случува, обрни внимание!“ Овој вид на вознемиреност е привремена состојба која се смирува штом стресорот ќе се намали или ситуацијата ќе се реши.
Анксиозни растројства
Кај лицата со анксиозно растројство преовладуваат чувствата на страв и нелагодност дури и кога нема причина за такви чувства. За време на ранливи моменти, кај нив се повеќе се зголемува стравот – страв од губење на работа, страв од правење грешки на работното место, страв од распаѓање на некоја врска или страв од општествено обвинување што води до понижување. Тоа ги надминува нормалните нивоа на загриженост и нервоза, што го отежнува функционирањето и уживањето во животот.
Генерализирано анксиозно растројство
Ако имате генерализирано анксиозно растројство, хроничната грижа не ви е непозната. Доминантни симптоми на ова растројтво се: треперење, прекуумерено потење, мускулна напнатост, тахикардија, зашеметеност, вртоглавица, постојана нервоза и надразливост.
Панични напади
Замислете да се чувствувате како ненадејно да доживувате срцев удар. Тоа може да биде симпотом на паничен напад. Многу луѓе доживеале еден или два панични напади во животот, кои престанале да се случуваат кога поминал некој период кој за нив бил стресен. Лицата кои се соочуваат со панично растројство доживуваат повторливи, неочекувани напади на паника и поминуваат долго време во страв од друг напад. Други симптоми се: болки во градите, чувство на гушење, вртоглавица и чувство на нереалност(деперсонализација или дереализација).
Социјално анксиозно растројство
Социјалното анксиозно растројство или социјална фобија вклучува интензивен страв од социјални ситуации и постојана загриженост дека ќе бидеме засрамени или понижени пред другите. Лицата кои се соочуваат со ова растројство често избегнуваат социјални интеракции, што доведува до значителни оштетувања во нивниот личен и професионален живот. Физички симптоми како црвенило, потење и треперење може да се појават во ситуации на социјална анксиозност.
За да им се помогне на лица со социјална анксиозност потребно е создавање средина за поддршка, нивно едуцирање за социјалната анксиозност и постепено изложување на социјални ситуации.
Опсесивно компулсивно растројство
Се карактеризира со повторливи, измачувачки, опсесивни мисли и компулсии(принудни постапки). Ако постои спротиставување на принудните постапки, анксиозноста се влошува
Освен наведените, во овие растројства спаѓаат и: специфични фобии, посттрауматско стресно растројство, хипохондриско растројство и сл.
Побарај дополнителен совет или насока од Верица Бакулеска
Јас сум посветена да им помогнам на лицата кои се справуваат со овој тип на проблеми да ја надминат својата состојба.
Воочување на разликите: анксиозност или анксиозно растројство?
Времетраење и влијание
Нормалната анксиозност има тенденција да биде привремена и поврзана со конкретни ситуации или настани. Доаѓа и си оди како што поминува стресорот. Анксиозните растројства, од друга страна, се задржуваат некое време – често шест месеци или повеќе – и може да имаат значително влијание врз внашиот секојдневен живот, врски и целокупната благосостојба.
Интенизитет
Нормално да се чувствуваме малку нервозни во одредени ситуации, но кај анксиозните нарушувања оваа нервоза е претерана и тешко поднослива. На пример, чувството на екстремна вознемиреност за одење на прв состанок или презентација на работа може да биде знак за подлабока анксиозност и нарушување. Нормалната анксиозност има тенденција да биде попропорционална на ситуацијата.
Најчесто користени терапии за третман на анксиозност и анксиозни растројства
- Когнитивно – бихејвиорална терапија
- Системска – семејна психотерапија
- Гешталт психотерапија
- Терапија со експозиција
Анксиозноста е вроден аспект на нашето постоење. Ние сме ранливи суштества со деликатни емоции, подложни на катастрофални неуспеси во секој момент. Недостатокот на целосни информации нè остава со неизвесност да се движиме по главните животни одлуки. Нашите примарни стравови, наследени од нашите предци, опстојуваат во нашите модерни животи. Бараме надворешни предмети и околности за да манифестираме смиреност, но сепак вистинското спокојство ни бега. Конкурентната и непредвидлива природа на животот влијае на нашите кариери и финансиската стабилност. Нашата самодоверба и удобност често се потпираат на љубовта на другите, чии желби можеби не се усогласуваат со нашите. Прифаќањето на оваа реалност е клучна. Анксиозноста е природен аспект од тоа да се биде жив. Наместо само да бараме бегство, треба да му пристапиме на животот со внимание. Преку прифаќање и реевалуација, можеме да се движиме по нашиот пат со поголема грижа, наоѓајќи алтернативни мотивации и задоволства.
Анксиозно нарушување кај нашите најблиски
Поддршката на некој со анксиозно растројство бара емпатија и разбирање. Едуцирајте се за анксиозните растројства за да понудите или добиете поддршка. Создадете безбеден простор за изразување на чувствата без осудување. Помогнете со практични задачи и промовирајте активности за себегрижа, релаксација и благосостојба. Разберете ги нивните тригери и создадете средина за поддршка.
Уште поважно, охрабрете ја одлуката да побараат стручно советување и помош. Анксиозноста е вкоренето растројство на кое што е потребно да се работи со психотерапевт. Останете позитивни и прославете го нивниот напредок. Прилагодете ја вашата поддршка на нивните индивидуални потреби, практикувајќи трпение, разбирање и подготвеност за учење.
Побарај дополнителен совет или насока од Верица Бакулеска
Јас сум посветена да им помогнам на лицата кои се справуваат со овој тип на проблеми да ја надминат својата состојба. Обезбедувам безбедна и поддржувачка средина за клиентите да ги истражат своите грижи. Користејќи докажани терапевтски техники, им помагам на клиентите за да ги идентификуваат основните причини за нивната анксиозност и да развијат стратегии за управување со симптомите. Помагам и во препознавање шеми на негативни мисли, имплементирање ефективни механизми за справување и градење на резилиентност. Со фокус на холистичката благосостојба, ги водам клиентите во инкорпорирање на практики за грижа за себе и техники за управување со стрес во нивниот секојдневен живот. Ако имате какви било прашања или сакате да разговарате за вашата конкретна ситуација, ве молиме пополнете го формуларот подолу. Овде сум да понудам бесплатен писмен одговор и да ви дадам попуст за вашата прва консултативна сесија.